തിരു: പങ്കാളിത്ത പെന്‍ഷന്‍ പദ്ധതിക്കെതിരായ രോഷത്തില്‍
സംസ്ഥാനത്തെ സര്‍ക്കാര്‍ ഓഫീസുകളുടെയും വിദ്യാലയങ്ങളുടെയും പ്രവര്‍ത്തനം
ബുധനാഴ്ചയും സ്തംഭിച്ചു. 70 ശതമാനത്തിലധികം ജീവനക്കാരും അധ്യാപകരും
ഐതിഹാസിക പണിമുടക്കിന്റെ രണ്ടാം ദിനത്തിലും പങ്കാളികളായി. തിരുവനന്തപുരം
പബ്ലിക്ക് ഓഫീസില്‍ രാവിലെ ചെറിയ സംഘര്‍ഷം ഉണ്ടായി. സംഘടിച്ചെത്തിയ
കെഎസ്യുക്കാര്‍ സമരത്തില്‍ പങ്കെടുക്കുന്നവരെ കയ്യേറ്റം ചെയ്തു. അക്രമം
നടത്തിയവരെ പിരിച്ചുവിടാന്‍ പൊലീസ് കണ്ണീര്‍ വാതകം പ്രയോഗിച്ചു. തൃശൂരില്‍
കെഎസ്യുക്കാര്‍ അധ്യാപകരെ കല്ലെറിഞ്ഞു പരിക്കേല്‍പ്പിച്ചു. സമരത്തിന്
ഐക്യദാര്‍ഢ്യം പ്രകടിപ്പിച്ച് കെഎസ്ആര്‍ടിസി ജല അതോറിറ്റി കെഎസ്ഇബി
ജീവനക്കാരും ചൊവ്വാഴ്ച പണിമുടക്കിയിരുന്നു
